Oxfam hnathawktuten mipat hmeichhiatna an hmanpui nia sawi vangin, Minnie Driver bang

Tanpui ngaite tanpuitu pawl pakhat Oxfam hnuaia hnathawktu thenkhatin hmeichhe thenkhat mipat hmeichhiatna an hmanpui thin tih sawi a awm avangin lemchanthiam Minnie Driver chuan Oxfam tana ambassador a nihna a bansan. Oxfam chuan Minnie Driver thahnemngaihna leh a hnathawhte an ngaihhlut thu sawiin, tun hnuah chuan fimkhur leh zuala hma an lak tawh tur thu an sawi. British Charity Oxfam hnuaia thawktu, Haiti leh hmun dang thenkhat ami te chuan hmeichhe thenkhat chu an mutpui duh avangin tanpuina pein an thlem thin nia sawi a awm a, hei vang hian Oxfam Deputy Chief Executive Penny Lawrence chu a lo bang tawh bawk.