Oxfam-in a hnuaia thawk mipat hmeichhiatna kawnga che khaw lo mi pathum chhui chian laiin thuhretu thenkhat an vaubet tih an puang

0
388
views

Oxfam chuan a hnuaia thawk, mipat hmeichhiatna kawnga che khaw lo mi pathumte chuan kum 2011-a he thil thleng chhui chian a nih lai khan thuhretu thenkhat an vaubet tih an puang. He thil thleng chungchanga mipuite nawrna a nat avangin mite tanpuitu pawl hian an report hi an tlangzarh a, kum 2011-a tih chhuah he report ah hian Oxfam chuan harsatna siam thin an hnuaia thawktute lakah khauh zawka hmalak a tul tih an tarlang a ni. Ram hrang hrang 90 vela hnathawktu 10,000 zet nei mek Oxfam hian an thil tih engkim langtlang zawka kalpui an duh thu pawh an sawi a, report bu phek 11-a chhaha hminglang thenkhat chu thup ni a, thuhretute vautua puhte hming pawh hi puanzar a la ni lo. Oxfam hian an report original leh ngaihdam dilna chu Haiti Sorkar hnenah a thehlut dawn a ni. Oxfam hnuaia thawktu mi pasarih chu mipat hmeichhiatna kawnga an hming chhiat avang hian kum 2011 khan an bang a, midang pakhat chu nawhchizuar a mutpui tih hriat chhuah a nih hnuah ban tir a ni bawk a, midang pahnih pawh hmeichhe chhaih nawmnah thubuai avanga ban tir an ni bawk tih Report-ah hian a lang a ni.