He seminar-ah hian Mizoram Synod Executive Secretary, Rev. Lalramliana Pachuau chuan thusawiin, Rev. Dr. Zairema chu Mizo hnam tana mi \angkai, hriatreng hlawh tur leh mi ropui a ni tih a sawi a, a chanchin leh a kutchhuak zirchian a ni chu Pathian thu lam leh Pathian thu ni lo thil dang atan thil \angkai tak a ni a ti a, Rev. Dr. Zairema chu a hunlaia hnam dinhmun mil zela Pathian thu kalpui thiam niin a sawi bawk.
He seminar-ah hian Zairema Memorial Society Secretary, Rev. Chuau\huama pawhin thusawiin Rev. Dr. Zairema chu zirchian tham leh kutchhuak ropui tak tak nei a ni tih a tarlang a ni. He inkhawmah hian Mizoram University-a Head Department of English Prof. Margaret L.Pachuau, Pachhunga University College Principal, Dr. Tawnenga leh Seminar Coordinator, Enid H. Lalrammuani te pawhin thu an sawi bawk a ni.
He seminar-ah hian Theology lama mithiam hrang hrang, Bangalore-a United Theological College, Kolkatta-a Senate of Serampore College, Assam Jorhat-a Eastern Theological College, Aizawl Theological College leh Academy of Integrated Christian Studies-a Professor leh mithiam dangte an tel a, Rev. Dr. Zairema Pathian thu ni lo, thildang a ziah a\angin Jawaharlal Nehru University te, Mizoram University leh Mizoram chhung leh pawn College hrang hranga mithiamten an thu an sawi bawk a ni.
He inkhawm-ah hian Pachhunga University College-a Mizo Department-in National Seminar an buatsaiha paper hrang hrang dahkhawmna lehkhabu, ‘Nuchhungi leh Naupang Literature chu Rev. Lalramliana Pachuau-in a tlangzarh a, seminar hi PUC-a Assistant Coordinator, Dr. Zoramdinthara’n a kaihruai a ni.
