Pachhunga University College a zirtirtu pahnih Voluntary Retirement-a chhuak Home Minister Pu Lalchamliana Political Science a, Associate Professor leh Health Minister Dr R Lalthangliana, Sociology Department a Associate Professor te chu nimin khan an College Seminar Hall-ah thlah an ni.

0
300
views

Thlahna inkhawm Pachunga University College Teachers Association President Dr K Lalchhandama kaihhruaiah an mahni thlahna thu College Principal Dr Tawnenga’n a sawi a, Voluntary Retirement a chhuak tur Pu Lalchamliana leh Dr R Lalthangliana te chu College hmasawnna atana nasa taka hnathawktu leh mipawimawh an ni tih sawiin PUC atangin zirtirtu MLA atana thlantlin ten Cabinet Minister dinhmun hial an chang thei chu Pathian remruat nia sawiin an hmalam hun atan duhsakna a hlan a ni. He inkhawmah hian PUC Teachers Association chuan zirtirtu chhuak ta te hi ngaihhruihna thilpek an hlan a, zirtirtute aiawhin Dr. H.S. Thapa an thu a sawi a ni.

Anmahni thlahna inkhawmah hian Pu Lalchamliana pawhin thusawiin ram leh hnam tana mawhphurhna sang zawk chelh turin a hnathawhna \hin College chu a chhuahsan a ngai ta niin a sawi a, hunrei tak zirtirtu hna a thawk thei chu vannei a intih thu a sawi bawk.

Higher& Technical Education Minister ni ta Dr. R.Lalthangliana, pawhin thusawiin PUC a a thawh chhunga tawnhriat a neih te chu ram rawngbawlhna a thawhnaah amah puitu a ni dawn niin a sawi a, PUC in hma a sawn zel theih nan duhsakna a hlan bawk. Pu Lalchamliana hian kum 1984 a\angin PUC ah zirtirtu hna a thawk a, Dr. R.Lalthangliana hian kum 1985 April ni 9 a\angin zirtirtu hna a thawk a ni. Pu Lalchamliana leh Dr R lalthangliana te hi Pachhunga University College Mizo Teachers Welfare Committee pawhin an thlah bawk a ni.