Hetah hian Mizoram University Vice Chancellor, Prof. KRS Sambasiva Rao chuan thusawiin Pachhunga University College hmasawn dan chu a fak a, hmarchhak bialah phei chuan College tha ber pawl a tling niin a sawi a ni. College Principal Dr. Tawnenga chuan Pathian kaihhruaia an College-in kum 60 a tling chu an hlawhtlinna tarlangtu niin a sawi a, hmasawnna tura tha thawhtu zawng zawng hnenah lawmthu a sawi a ni.
PUC Diamond Jubilee lawmnaah hian he College-a lo thawk tawh zirtirtu leh zirtirtu ni lo la damte, Pu Pachhunga te chhungkua leh Pu HK Bawichhuaka te chhungkua te leh mi pawimawh dangte hnenah thilpek an hlan a ni.
Mizorama College awm hmasa ber, Pachhunga University College hi kum 1958 August ni 15 khan Aijal College tih hming pua din a ni a, a dinna tura sum thawhtu Pu Pachhunga a boral hnuin ‘Pachhunga Memorial College’ tia a hming thlak a ni.
