Pachhunga University College-in Adopted Village atan a thlan, Dulte chu Lengteng bialtu MLA, Pu L. Thangmawia’n vawiin khan a hawng. Dulte hi Pachhunga University College-in an enkawl tur khawchuama an thlan a ni.

0
572
views

A hawnna inkhawm Dulte Community Hall-a buatsaih chu PUC Principal, Dr. Tawnenga’n a kaihruai a, hetah hian thusawiin Pu L.Thangmawia chuan khawtlang hmasawnna tham thil hlu leh lian tham PUC hian pek tur nei lo mah se, an khawchuam thlan tan an College-a zirtirtu thiam tak tak te chuan zirna lama hmasawnna an thlen thei dawn niin a sawi a, an hmalakna chhawr \angkaiin mithiam leh pawimawh Dulte khua a\angin an chhuah theih a beisei thu a sawi bawk.

Dulte khua hi in 200 vel awmna, Aizawl-Champhai kawnga awm, Aizawl a\anga km 110 vela hla a ni a, PUC zirtirtu pali te chuan zirchianna neiin zirna lama hma an sawn dan tur an ngaihtuah ang a, Upa pawlte tan ‘excursion’ buatsaih sak an tum bawk a ni.

Inkhawm kaihruaitu Dr. Tawnenga chuan PUC-in kum 2012 a\ang khan khaw enkawl bik an neih tawh thu te, chung khuaah te chuan mithiamten thil zirchianna neiin, an mamawhte sorkarah an thlen a, chumi chu bawhzuiin, sorkarin zirna lam, khawtlang nunphung leh hmasawnna lamah te hma an laksak \hin niin a sawi a ni.