Pacific tuipuia thliarkar pakhatah nausen te hridanna pek tur damdawii drone hmangin hlawhtling taka thawn luh a ni.

0
314
views

Unicef hmalakna hnuaiah drone hi km 40 vel thlawh tirin, naupang hridanna hi Vanuatu thliarkar ah hian phurh thlen a ni a, ralkhat a\anga thunun theih, drone hian he thliarkar tlangram khawk rawk leh rem lo tak tak paltlangin mihring chenna hmun hi him takin a thlawk thleng a ni. Vanuatu thliarkar hi kal pawh a harsat avangin naupang zaa 20 chuangin hridanna an dawng thei lo a, tuna hlawhtling taka Drone hmanga hridanna thawn luh theih a nih takah hian hmun kilkhawr leh tlawhpawh harsa zual hmun dangah te pawh hmalak a awlsam phah dawn tih Unicef chuan a sawi a, khawvel huapa hriselna lama hmalakna-ah mel lung pawimawh tak phun a ni ta tih Unicef executive director Henrietta Fore chuan a sawi.

Drone-in a phurh thlen vaccine te hi Vanuatu thliarkara cheng nurse pakhat Miriam Nampil chuan naupang 13 leh naupai lai mi 5 te a pe nghal a ni.