Hemi puala inkhawm Aizawl a Sialkal Range Development Council pisaa neihah Lengteng Bialtu MLA Pu L Thangmawia chuan, Siamsinpawlpi-in zirlaite hmakhaw ngaia Study Tour buatsaihna chang an hria chu fakawm a tih thu leh zirlaiten an hlawkpui ngei a beisei tih a sawi. Sialkal Tlangdunga High School leh Higher Secondary School a zirlai Study Tour-a kalte hian Mizoram Science Centre, Aizawl Theological College, Raj Bhawan, Mizoram University, Assembly House leh Millenium Centre te an tlawh a, zirna lama mi hlawhtlingte nen inkawmhona hun buatsaih sak an ni bawk.
