Pakistan-a kum tling lo Hindu hmeichhe pahnih rukbo an nih hnua Islam-a inlehtira pasal neih luihtir an nihna thubuai-ah mi pakhat man a ni.

0
576
views

Heng hmeichhe pahnih, kum 13 leh km 15 mite hi Sindh-a an chenna Ghotki district a\angin Holi ni hma ni 19 khan rukbo an ni a, a hnuah puithiam pakhatin heng hmeichhe naupang te inneihna lehkha a ziak fel lai video chu thehdarh a ni a, hei hian mipuite a ti thinur hle a, Pakistan Prime Minister Imran Khan pawhin he thil thleng hi chhui turin thupek a chhuah a ni.

Hmeichhe pahnih hian venhimna ngenin Pakistan-a Punjab province-a Bahawalpur court an pan a, police te chuan inneih luihtirna-a inhnamhnawih nia rin mi pakhat chu Khanpur a\angin an man a, inneih tirtu chu puithiam tak a nih leh nih loh finfiah a la ni lo bawk.

Pakistan Information Minister Fawad Chaudhry chuan Prime Miniser hian Sindh chief minister chu heng hmeichhe pahnihte hi Punjab-a Rahim Yar Khan-a hruai an ni tia thuthang chu chhui chiang turin a ti tih a sawi a, Sindh leh Punjab sorkar te chu hetiang thil a thlen tawh loh nan thawkduna hma la turin a ngen tih a sawi bawk. Pakistan-a Hindu te chuan he thil thleng chungchanga an lungawilohna lantirin kawng an zawh a, pawikhawihtute hi thiam loh chantira hrem an phut a ni.