Pakistan Agriculture Training Institute Taliban mi firfiakten luhkhung, mi 9 thi

0
551
views

Pakistan ramah Taliban mi firfiakten Peshawar-a Agriculture Training Institute an luhkhungna-ah mi pakua vel an thi a, mi dang 25 vel an hliam niin police leh damdawi in thuneituten an sawi. Pakistan sipai thupuangtu chuan Pehawar-a zirna hmunpui beitu, mi firfiakte hi police leh sipaite’n a hmun an thlen hnuah an that vek niin a sawi a, Taliban chuan he pawi khawihna hi an tihah chhalin, Pakistan intelligence pawl, Inter-Services Intelligence hmunpui chu beih an tum niin an sawi a ni. Peshawar police hotu, Tahir Khan-a sawi danin, mi firfiakte hian auto-rickshaw hmangin he hmun hi an pan a, Muslim hmeichhe inkhuhna, burqa hmanga inthuamin, an lu leh hmai an tuam vek a ni. Hayatabad Medical Complex hotu, Shehzad Akbar chuan hliam zinga mi paruk chu an hliam tuar lovin an thi a, mi dang 18 vel an enkawl mek tih a sawi a, Khyber Teaching Hospital-ah mi dang pathum an thi a, hliam 17 vel enkawl an ni tih damdawi in thuneitute chuan an sawi bawk.