Pakistan-ah thihchilh bomb puak, police 2 thi

0
448
views

Pakistan rama Peshawar khawpuia Police hmunpui-ah vawiin khan thih chilh bomb tihpuah a ni a, police 2 an thi a, midang eng emaw zat an hliam. Police hotute chuan thi zinga pakhat hi an hotupa, AIG ni lai, Ashraf Noor niin an sawi a, anmahni beitu hian bike hmanga an chuanna car a sut hnuah bomb chak tak a tipuak niin an sawi. Bomb puak hi a chak em avangin a bul hnaia motor dang darthlalangte pawh a keh nual a, thing kung pawh a kang hial niin an sawi bawk. PM, Shahid Khaqan Abbasi chuan mi firfiak pawlte beihna kawnga nasa zawka \an lak nghal a nih tur thu a sawi. Peshawar hi Pakistan leh Afghanistan ramri hnaia awm a nih avangin, a bul hnai velah tribal hel pawl leh mi firfiak pawlte an tam hle nia hriat a ni a, September thla pawh khan police pathum chu Taliban mi firfiak pawl zinga mi nia hriatten an lo kap hlum tawh a ni.