Pakistan awp chin J&K-ah Pulwama-a mifirfiakte chetna duhlotuten, Pakisan chhunga mifirfiakte inkhuarna hmunte \hiat turin Pakistan an phut a, India leh US pawhin mifirfiakte laka hma la turin an phut bawk.

0
367
views

Geneva-a UN Human Rights Council vawi 40-na neih laiin Pakistan awp chin J&K-a mi \henkhat intelkhawm hian punkhawm an buatsaih a, hetah hian United Kashmir People’s National Party-a Chairman Sardar Shaukat Ali Kashmiri chuan India bei turin Pakistan sipaiten mifirfiakte an ruai niin a sawi a, Pulwama-a mifirfiakte chetna chungchang sawiin, hei hi an awmna bial mai ni lovin khawvel pum beihna a ni a ti.

Hetihlai hian India Foreign Secretary Vijay Gokhale leh US Secretary Michael Pompeo te inkawm pawhin Pulwama-a pawikhawihtu mifirfiakte chu dan anga hrem \ul an tih thu an sawi a, Pakistan hian a rama inkhuar mifirfiakte hum loa, an tawmna hmunte a \hiah a ngai a ni tih an sawi. Gokhale hian India-in mifirfiakte a beihnaa US-in a thlawp \hat avangin a lawmthu a sawi bawk a ni.