Pakistan Christian hmeichhia Asia Bibi chu kum 8 chhung lung in a tan hnuah chhuah a ni tawh a, Pakistan ram pawh a chhuahsan tawh.

0
404
views

Kum 2010 khan loneitu Bibi hi lo-a a thlawhpui te’n Muslim a nih ve loh avangin an tui intur \awm an phal loh hnuah Islam sakhua sawichhia-a puhin a lakah thubuai an thehlut a, man a nih hnuah khawvel-a Christian te chu an thinur hle a, Pakistan chhungah buaina a thlen phah nasa hle. Bibi \anpui tum politician te chu kahhlum an ni a, October thlaa Supreme Courtin thiam chantira chhuah tura thupek a siam chu mipuite’n pawm lovin PM Imran Khan-a kaihhruai sorkar chu ram chhuahsan phalsak lo turin an phut a, venhimna khauh tak hnuaia a awmna hmun puanzar loh Bibi hi tih hlum an phut hial a ni.

November thla khan Canada PM Justin Trudeau chuan Bibi chungchangah hian Pakistan nen an inbiak thu a puang a, Pakistan courtin an chhuah hnu thla 6 hnuah Bibi ukil Saif Ul Malook chuan Bibi hian ram chhuahsanin Canada a pan thu chanchinbu mite a hrilh a, Pakistan foreign ministry chuan hemi chungchangah hian sawi an nei lo a ni.