United Nations Human Rights Council, Geneva-ah thu sawiin Shah Mahmood Qureshi hian India chu Kashmir phairuama chengte nghaisa-ah puhin, khawvel jail zau berah a chantir a ni a ti a, India chu awmze nei lova thil tiah a puh a ni. Pakistan chuan India sipaite chu Kashmir mipuite nghaisa-ah leh hmeichhiate pawngsualah a puh a, damdawi leh eitur pawh mipuiten an tla chham niin a sawi bawk.
Hetihlai hian India chuan Kashmir chu India ram chhung anih avangin India chuan a ram chhung buaina chinfel turin thuneihna a nei a ni a ti ve thung a, Kashmir-a mipuite tih \haihah leh buaina chawk chhuak \hinah Pakistan a puh ve thung a ni.
Thawh\anni khan US President Donald Trump-a chuan India leh Pakistan inkarah hian an remti anih chuan palai hna thawh a inhuam thu a sawi nawn leh a ni.
