Pakistan-in Jammu and Kashmir-a mifirfiakte ram luah china hmalak a tumna chu India-in na taka sawiselin, Pakistan chuan helai hmun hi a chhuahsan thuai tur a ni a ti.

0
24
views

Gilgat-Baltistan-a chungchangah Pakistan Supreme Court thutlukna chu India hian a pawm lo a. Pakistan palai hnenah vawiin khan India duhdan hi a thlen a, J&K-a Union Territories zawng zawng leh Ladakh te, Gilgat leh Balistan te chu India ram chhung a ni tih a hrilh a, hei hi thlak danglam theih a ni lo tih a hrilh a ni.

India chuan Pakistan sorkar emaw a rorelna emaw chuan dan lova ram a awp chhungah thuneihna a nei thei lo tih a sawi a, Pakistan chuan dan kalhin heng hmunte hi a awp a ni a ti a, Pakistan-in India ram china thuneih a tumna chu India in a pawm lo tih a hrilh a ni.

Pakistan Supreme Court chuan kar kalta Ningani khan Pakistan sorkar chu Gilgit leh Balistan-ah September-a inthlanna buatsaih a phalsak a, inthlanna buatsaih hmaa caretaker government ruat pawh phalsakin, Gilgit-Baltistan chu Pakistan ramchhung chin a ni tih a sawi a ni.