Pakistan-in lamlian sial chawlhsan rih

0
596
views

China leh Pakistan inkara kawngpui sial, Economic Corridor project hnuaia Pakistan sorkarin lamlian a sial mek pathum chu China-in tanpuina sum a pek a tihtawp avangin chawlhsan rih a ni. Pakistan Planning and Development Minister, Ahsan Iqbal chuan China-in tanpuina sum hi a pek chhunzawm leh loh chuan hnathawh chhunzawmna tur pawisa an nei lo niin a sawi a, hna hi chawlhsan lailawk rih a nih thu leh bansan a la nih loh thu a sawi bawk. CPEC tanpuina sum a pek thin chungchang hi China sorkar thuneitute chuan an ennawn mek a, Pakistan sorkar hotu thenkhatten tangka hi an ei ru thin nia an hriat avangin, pawisa pek chhunzawm rih loh hi thla hmasa ni 20 khan a lo titlu tawh a ni. Mithiam thenkhat chuan hei hi China tum ruk sa niin an sawi a, China hian Pakistan hi leiba tam tak neihtir a, a thanga awh a tum nia an hriat thu an sawi. Inrinni pawh khan China sorkar hian Sri Lanka chu a leiba a rulh theih loh avangin Hambatota lawng chawlhhmun thuneihna a lo chhuhsak tawh a ni.