Pakistan-in Pulwama-a pawikhawihna chungchang report pek a chhan danin beisei a pha lo niin thuneituten an sawi.

0
303
views

External Affairs Ministry thupuangtu Raveesh Kumar chuan report-ah hian Pulwama-a pawikhawihnaah Jaish-e-Mohammed mifirfiakte’n mawh an phur thu te, JeM leh an hotu Masood Azhar te hi Pakistan-ah an inkhuar thu te chik takin an ziak a, heti chung pawh hian Pakistan chuan Pulwama-a thil thleng hi mifirfiakte tharum thawhnaah pawm duh loin, an ram chhunga inkhuar mifirfiakte laka khauh taka hma a la duh lo chu pawi an ti tih a sawi a, kum 2008-a Mumbai-a pawikhawihna leh kum 2016-a Pathankot-a pawikhawihna an pawm duh loh ang tho khan an pawm duh lo chhunzawm zel dawn nia an hriat thu a sawi a ni. UN-in mifirfiak hlauhawma a chhal, JeM mi firfiak pawl leh an hotu Masood Azhar te chu Pakistanah an inkhuar ngei a ni tih Pakistan Foreign Minister ngei pawhin a lo sawi tawh a, Pakistan hian a takin hma la duh ni se chu an ram chhungah ngei hian tih tur tam tak a awm niin Raveesh Kumar hian a sawi bawk a, Pakistan hian an rama mi firfiak pawlte himna hmun siam lo tur leh, an lo awm anih pawhin na taka bei tura kum 2004-a an lo tiam tawh chu hlen chhuak turin a ngen bawk a ni.