Pakistan Balochistan-a Rehmania Mosque-ah nimina \awng\ai hun hman hmain bomb siam chawp IED tihpuah a ni a, Balochistan Deputy Deputy Inspector General Abdul Razzaq Cheema sawidan chuan inkhawm kaihhruaitu tiamin mi 3 an thi a, mi 28 an hliam bawk a, bomb puak hi a nat em avangin thi zat hi an pun an rin thu a sawi. He pawikhawihna titua inchhal an awm lo a ni.
Afghanistan khawpui Kabul-a Mosque-ah pawh Zirtawpni \awng\aina hun hman laiin bomb tihpuah a ni a, district police hotu, Jan Agha sawidan chuan bomb hi Mosque hotu hman \hin microphone-ah phumruk a ni a, \awng\ai kaihhruaitu Mawlawi Raihan tiamin mi 3 an ti a, mi 20 vel an hliam bawk a ni. He pawikhawihna pawh hi titua inchhal an awm lo a, helai bialah hian Taliban leh Islamic State pawl te’n buaina an thlen fo \hin a ni.
Tun thla hi Muslim te chaw nghei-a \awng\ai leh inenletna hun, Ramadan a ni a, Kabul mi, Ghulam Haider-a chuan Ramadan chhung hian Muslim miin Muslim dang a that thiang lo a ni tiin he pawikhawihna hi sual lian tak a ni tih a sawi.
