Pakistan Muslim League hruaitu atan Nawaz Sharif-a thlang leh

0
321
views

Pakistan PM bang ta, Nawaz Sharif-a chu rorel lai pawl, Pakistan Muslim League-Nawaz hruaitu atan thlan leh a ni a, Pakistan Parliament-in ram roreltu, paih thlak tawhte political party hruaitu nihtir theihna dan thar, Electoral Reforms Bill, 2017 a pawm t^k avangin hei hi tih theih a ni ta a ni. Pakistan Senate chuan thla hlui ni 22 khan he dan thar hi a lo pawm tawh a, nimin khan National Assembly-in a pawm ve leh a ni. Puan tawh \hin angin, Panama Papers thubuaia eiruk thila inhnamhnawiha puh, kum 67 mi, Pu Sharif-a hi Supreme Court-in July ni 28-a PM a nihna a\anga bang tura a tih avang khan, PML-N hruaitu a nihna pawh hlihsak nghal a ni a, The Representation of People’s Act, 1976 dan hnuaiah kha chuan ram hruaitu paihthlak tawhte chuan party hruaitu nihna an chelh thiang lo a ni. Party hruaitu nihna hi Pu Sharif-a hian engtia rei nge a chelh theih dawn hriat a ni lo a, eptu party, Pakistan Awami Tehreek chuan Lahore High Court-ah he dan thar hi a khing mek a, Pakistan Tehreek-e-Insaf leh eptu party dangte pawhin Supreme Court-ah khin an tum thu an puang a, eptu pawlte chuan he dan thar hi Pu Sharif-a’n politics-a kir leh theih nana a siam niin an sawi a, Paksitan ram danpui a kalh niin an sawi bawk.