Pakistan Prime Minister hlui Nawaz Sharif chu dam lohna avanga damdawiin-a dah luh anih hnuah a dinhmun a that chhoh zel avangin Adiala Jailh ah dah let leh a ni.

Kum 68 mi Sharif hian Pathianni zan khan lung lam natna avangin Islamabad-a Pakistan Institute of Medical Sciences PIMS-a lung lam natna nei te enkawlna, Cardiac Centre ah dah luh a ni a, PIMS hotute sawi danin a dinhmun chi hrang hranga endik a ni a, a hriselna dinhmun a \hat chhoh zel avangin Jail-a awm theia ngaih a ni leh tawh a ni. Venhimna khauh tak hnuaiah Nawaz Sharif hi Jail ah hruai kir leh a ni.