Pakistan Prime Minister Imran Khan a’n an ram hruaitu eirukna hmanga an ram ti retheitute chu tumah zuah an ni dawn lo tih a sawi nawn a, chung ram hruaitute thubuai siamsak an nih lohna tura dan lo siam tawh National Reconciliation Ordinance ang chi pawhin tumah a hum dawn lo tih a sawi.

0
424
views

 

He dan NRO tia sawi hi president hlui Gen Pervez Musharraf a’n kum 2007 a siam a ni a, he dan hnuaiah hian politician te zinga eirukna thubuai nei, an ram tlan chhiatsantute chu ngaihdam an ni a, ram danga tlan chhe mek mi tam tak Pakistan ah an let phah a, he dan hi kum 2009 khan Pakistan Supreme Court chuan ram danpui kalh a ni tiin a lo hnawl tawh a ni.

Sum harsatna nasa tak an tawh mek a\anga Pakistan sorkar chhanchhuah dan tur chungchangah hian Imran Khan hian an ram mipui hmaah thu a sawi a, sorkar hmasa in leiba a hnutchhiah chu cheng vbc nuai 30 zet a ni a ti a, Sorkarna lo chelh tawh party dang hruaitute chu NRO danin a hum dawn lo a, eiruknaa inhnamhnawih zawng zawng chu tumah ngaihhnathiam an ni dawn lo a, tanin ah khung vek an ni ang a ti. Imran Khan chuan mipuiten eirukna nuaibo tura a intiam avangin an hruaitu an thlang tih a sawi bawk a, eirukna nuaibo anih phawt loh chuan Pakistan ramin hmalam hun eng a nei lo a ni a ti.