Pakistan ramin hmeichhe naupang kum 6 mi pawngsuala that zuitu chu a khaihlum.

0
474
views

 

Hmeichhe naupang ruang hi bawlhhlawh bawma chhar anih hnu lawkah pawikhawihtu Imran Ali hi man a ni a, tukin khan Lahore-a Kot Lakhpat Jail ah khaihlum a ni tih Police ten an sawi a, khaihlum anih lai hian hmeichhe naupang pa leh chhungkhat laina dangte pawh an awm ve a ni. He pawikhawihna rapthlak tak, Kasur khawpuia thleng hian Pakistan a nghawr chhuak hneh hle a, mipuiten lungawi lohna nasa takin an lantir zui a, pawikhawihtu Imran Ali hi hmeichhe naupang dang 6 a lo khawih thuah pawh thubuai rit tak siamsak a ni. Hmeichhe naupang hringtupa, Amin Ansari chuan a fanu naupang pawngsuala that zuitu khai hlum a ni ta chu lawmawm a tih thu leh khaihlum anih lai a mit ngeia a hmuh thu a sawi.

Hmeichhe naupang hi January ni 4 khan chin hriat lovin a bo a, ni 4 ral hnuah a ruang hi bawlhhlawhbawmah chhar a ni a, he hmeichhe naupang mipa pakhatin a hruai lai, CCTV thlalaka lang chu social media lama nasa taka thehdarh anih hnuah pawikhawihtu kum 24 mi Imran Ali hi January ni 23 khan man a ni ta a ni.