Pakistan sipaite’n LoC hrul, Akhnoor sector-a sipai post leh civil mi te chenna hmunte beiin inkahhai thuthlung an bawhchhe leh.

0
560
views

Ni hnih an reh hnuaha tukin dar 3 vel khan Pakistan sipaite hian laipui te hmangin ramri pelin India lamah an che leh a, dar 6:30 vel khan an chawl leh chauh a ni tih defence thupuangtu chuan a sawi a, Inrinni chhun-a Rajouri district chhuga Nowshera sector-a darkar 2 chhung India an beih bak chu Zirtawpni a\ang khan LoC hrulah thawm an nei lo a, ramri hrul, Poonch leh Rajouri hrula cheng te pawh hemi hun chhung hi chuan an chawl hahdam ve thei a ni. Poonch leh Rajouri hi Pakistan-in vawi 50 chuang bei tawhin, mi 4 an thih bakah mi dang engemawzat an hliam a ni.

Ni 26-a India-in thlawhna hmanga Balakot-a mifirfiak Jaish-e-Mohammed te inkhuarna hmun an beih hnuah Pakistan hian inkahhai thuthlung an bawhchhe nasa hle a ni. Boruak \ang tak inkarah Inrinni khan Army Chief General Bipin Rawat chuan Jammu-a inkhuar White Knight Corps te a tlawh a, LoC-a hrula ram venhim hna an thawh dan te a endik a, Samba leh Ratnuchak te pawh Pathianni khan a tlawh bawk a ni.

Hmelmate beilet turin India sipai chu a rintawk thu Army Chief hian a sawi a, sipai te chu eng pawh hmachhawn thei turin inralring rengin an awm tih a sawi.