Palestinian hel hovin laipui hmangin Israel bei, Israel-in indo thlawhna leh tank-in bei let

0
399
views

Palestinian hel hovin laipui hmanga Israel sipai hmun an beih avangin indo thlawhna leh tank hmangin Gaza biala hel ho awmna hmun eng emawzat an bei let niin Israel sipaiten an sawi a, Gaza-a Reuters chanchinbu mi pakhat chuan Hamas leh Muslim hel pawlte awmna hmun a\angin mei khu chhuak hmuh tur a awm niin a sawi a, Gaza Health Ministry chuan he inbeihnaah hian civil mi pathum an hliam niin an sawi a, Israel lamah erawh chuan hliam an awm lo nia hriat a ni. Chanchinbu \henkhat chuan nimin khan West Bank-ah Juda mi pakhatin Palestinian pakhat a kap hlum niin an sawi a, mahse Gaza-a Israel sipaite leh Palestine sipaite inkara inbeihna nen inzawmna a nei lo nia hriat a ni. Puan tawh angin, thla khat vel liam ta-ah khan Israel chuan Gaza a\anga Israel chhuntu lei verh chu bomb hmangin a tichhia a, he thil thlengah hian mi 12 vel an thi a, thi zingah hian Palestinian helte leh Hamas mite pawh an tel nia hriat a ni a, hemi avang hian Israel leh Palestinian thuneitute inkarah buaina a chhuak thar leh nia sawi a ni.