Palestinian mi firfiakin Israel sipai pathum kaphlum

0
304
views

Palestinian mi firfiak pakhatin West Bank-ah Israel sipaite a pawng kah a, sipai pathum an thi a, midang pakhat a hliam a, amah pawh kah hlum nghal a ni. He inbeihna hi West Bank-a Palestinian-te chenna kalpawhna tura siam, Har Adar luhka bulah a ni a, Palestinian pakhat, hnathawk bang, haw turte rualin pawi khawihtu, kum 37 mi hian helai hmun hi a pan a, sipaite hi a kap ta mai niin police-te chuan an sawi. Israel Deputy Foreign Minister, Tzipi Hotovely chuan hetiang inbeihna ang chi reng reng hi an pawmzam theih loh thu leh Palestinian hruaituten an um zui an phut thu te, hetianga an chet fo dawn chuan US kaihhruaia inbiak leh an tumna tawh pawh sut leh mai \ha zawka an hriat thu a sawi. He thil thlen hun hi President Donald Trump-a mi tirh, Middle East-a US palai, Jason Greenblatt-a’n inbiakna chhunzawm leh dan tur ngaihtuaha Jerusalem a tlawh lai a ni. Police-te chuan pawi khawihtu hi Nimer Jamal-a niin an sawi a, Israel sipai pahnih leh ramri vengtu Police pakhat hi hnai takah a kap niin an sawi. Pawi khawihtu-ah hian eng pawl mahin an inchhal lo na a, Gaza-a Palestinian mi firfiak pawl, Hamas leh Islamic Jihad chuan he thil hi lawmawm an tih thu an sawi a ni. Israel PM, Benjamin Netanyahu chuan, pawi khawihtu chenna in hi nawr chhiat a nih tur thu leh, a chhungte hnathawh phalna pawh s<t a nih tur thu a sawi. Palestinian 36,000 velin Juda mite chenna hmuna hnathawh phalna hi an nei a, ven himna pawh an uluk hle a ni. Kum 1967-a Israel-in a l^k, West Bank leh East Jerusalem-ah hian hmun 140-ah Juda mi 6,00,000 vel an cheng a, hei hi Israel leh Palestinian ho inchuh ber leh inhmuh thiam lohna ber a ni.
Kum 2015 October thla-a buaina a chhuah a\ang khan Palestinian mi firfiakte hian Israel mi 50 bakah Arab Israel mi 295, US mi 2, Jordan mi 2, Eritrea, Sudan leh UK mi pakhat \heuh an that tawh a ni.