Panama rama US sorkar palai bang dawn, Trump hnuaia thawh chhunzawm zel duh lo

Panama rama US sorkar palai, John Feeley chuan President, Donald Trump hnuaia thawh chhunzawm zel a duh tawh loh avangin, a hna a\anga chawlh a tum. Feeley hi US Marine Corps pilot hlui a ni a, sipaia a luh tirh a\angin, an ram hruaitu lu ber ngaihdan a \awmpui loh lai pawha, a laka rinawm taka hnathawk zel tura zirtir \hin a nih thu leh, a thei dawn lo a nih chuan, bang mai tura tih a lo nih tawh thu, Feely hian a sawi a ni. US State Dept. thupuangtu, Steve Goldstein chuan Feeley-a thutlukna hi Trump-a’n “ek khur” tih \awngkam a hmang nia sawi nen inzawmna a nei lo niin a sawi a, he boruak in\an hma khan Feeley-a thutlukna hi hriattir a lo nih tawh thu leh, mimal ngaihdan inan loh avanga ban tum a nih thu a sawi a, tupawhin tlin loh chin an neih \heuh thu leh, ram palai thutlukna chu sorkarin a zah thu a sawi a ni.