Parliament In hnih-ah rorel inkhawm titawp leh

0
643
views

Chhan hrang hrang vanga eptu pawl lungawi lo te auh buaina avangin Parliament in hnih rorel inkhawm chu tihtawp leh a ni a, Lok Sabha chu nileng atan tihtawp a nih a, Rajya Sabha pawh chawhnu dar 2:30 thleng tihtawp a ni. Rorel inkhawm tihtawp lailawk anih hnu a, chhunzawm leh tura member te an luhkhawm hnuah pawh Lok Sabha ah boruak a ziaawm chuang lo a, TRS leh AIADMK member te chu house laiah an chhuak khawm a, TRS te chuan Telangana-a sorkar hna lak turah hna hauhsakna tam zawk an phut a, AIADMK MP te chuan Cauvery Management Board din an phut bawk a ni. Buaina karah Speaker Sumitra Mahajan chuan YSR Congress leh TDP ten sorkar rin tawk lohna, no confidence Motion an putluh chungchang sawi chhuakin, rorel hleih theih a nih loh avangin rorel inkhawm a titawp rih tih a puang zui a ni. Rajya Sabha ah chuan Chairman M Vankaiah Naidu chuan hapta hnih liamta a\anga house chhunga rorel hleih theih lohva buaina a thleng \hin chu pawi a tih thu a sawi a, thil pawimawh tak tak, Bank sum tih chingpen thu te leh thil dang pawimawhte sawiho theih a nih loh avangin mipuite pawh an chiai a ni a ti a, party hrang hrangte chu rorel inkhawm tluang taka a kal theihna tura hma la \heuh turin a sawm a. Member te an au bengchhen zui avangin rorel inkhawm chu chawhnu dar 2.30 a chhunzawm leh turin a titawp a ni.