Parliament in hnih rorel inkhawm neih chhunzawmah Rafale indo thlawhna lei tura inremna leh kum 1984-a Sikh mite huatna vanga buaina chhuak chungchangah MP-te an inhnial buai avangin rorel thei lovin inkhawm tihtawp a ni.

Rajya Sabha inkhawmah chuan BJP MP, Vijay Goel-a’n Rafale chungchanga Supreme Court in thutlukna a puanzar tak avangin Congress chu sawihona hmachhawn ngam loah a puh a, Union Minister kiren Rijiju pawhin zawhna leh chhanna hun pawh hmang mumal thei loa Congress-in inkhawm an tibuai chu \ha a lo tih thu a sawi a, bill emaw, sorkar ruahmanna emaw bei pawh an nih tawh loh thu leh rorel inkhawm tih buai hrim hrim tum an nih tawh thu a sawi. Rajya Sabha Opposition Leader, Ghulan Nabi Azad chuan a hma a\anga an lo sawi tawh, Rafale inremna chungchangah sorkar laipuiin Parliamentah affidavit dik lo a thehlut niin a sawi ve thung.