Parliament rorel inkhawmah congress in political party te hnena sum thawhtu electoral bonds chungchang puangzar tura sorkar phutin lungawi lohna an lantir a, congress party chuan electoral bonds kalpui dan chu sum chheprelhna thlentu leh political party te hnena sum petute thupna a ni an ti.

0
109
views

Congress hruaitu Manish Tiwari chuan mimal leh company hrang hrangin bank kaltlanga political partyte hnena sum an thawh dan, electoral bonds tia sawi kalpui dan chu politics-a inthamna ang a ni a ti a, RTI zawhna chhanna a\anga a lan danin electoral bonds kalpui tur RBI in a dodalna pawh sorkarin a palzut lui a ni a ti a, hei vang hian political party ten a thawhtu hriat loh sum tam tak an dawng thei a, hei hi politics thila inthamna ang chiah a ni a ti.

Hemi chungchang Rajya Sabhaa sawiho zui congress in an rawtna chu hnawlin chairman chuan house rorel a ti tawp lailawk a, Lok Sabhaah pawh Congress member ten house chhung hmun awlah chhuak khawmin lungawi lohna an lantir a, Speaker Om Birla chuan Zero Hour-a sawi tur chi a ni a ti a, Lok Sabhaah hian congress member ten lungawi lovin house an chhuahsan a ni.

Association for Democratic Reforms in a tarlan danin, Bank kaltlanga political party te hnena \anpuina pek theih dan Electoral Bonds hman \an a nih hnuah cheng vbc 6000 zet bond hi hralh chhuah a ni tawh a, cheng vbc 222 chu rorellai BJP party kutah a lut a, hei hi zaa 95 a tlling phak a ni.

Electoral Bond scheme hi nikum Jaunuary ni 2 khan BJP kaihhruai Sorkar laipui chuan a hmang \an a ni.