Heng zirlai nuarte hian buaina an siam loh nan Police 700 chuang university campus-ah tirh an ni.
Police te sawi dawnin zirlaiten kawngzawh an tum avangin venhimna khauh zawk ruahman a ni a, parliament kalpawh theihna zawng zawngah Police duty tir vek an ni bawk.
JNU thuneituten hostel fee leh thil dangte tihsan an tum vangin zirlaite hian Vice Chancellor pisa tualah te thuziak hrang hrang an lo hnutchhiat tawh a, JNU hostel fee tihsan a tumna chu hnuhlet a ni tih puang mahse, zirlaite hian thutlukna siam chu inbumna leh awmze nei lova ngaiin nawrh hi an huaihawt leh a ni.
Hetihlai hian JNU Vice Chancellor, M Jagadesh Kumar chuan exam a hnaih tawh vangin zirlaite chu an nawrh titawp a, class kal turin a ngen a, an nawrh zel chuan zirna hun tam tak an hloh dawn bakah an hmalama hun an tichhe zel tih a hrilh a ni.
Pathianni khan zirtirtuten press conference an nei a, zirlai tam takin zirlai dangte thlabarin an siam a, class kal duh te pawh an class kal thei lovin an dang tih an sawi. JNU-a hian zirlai 8,000 vel awmin, chung zinga 6,000 vel chuan class kal an duh niin zirtirtute chuan an sawi bawk.
