Parliament thlasik thutkhawm tan a ni

0
348
views

Parliament thlasik \hutkhawm chu vawiin khan \an a ni a, kum thar January ni 5 thleng a awh ang a, vawi 14 an \hu khawm ang. Lok Sabha-ah chuan member ni lai 3 leh member hlui 7, session hmasa leh tun inkara boral ta te sunna hun hman a nih hnuah rorel inkhawm tihtawp zui a ni a, Thawh\anni-ah an \hu khawm leh ang. House \hutkhawm veleh Gurdaspur bial a\anga thlan thar, Congress mi, Sunil Kumar Jakhar chu rinawmna thu tiamtir a ni a, PM, Narendra Modi chuan Jakhar-a hi duhsakna chibai a buk a ni. Gurdaspur MP, BJP member leh film star, Vinod Khanna a thih avangin by election buatsaih a ni a, he bial hi Congress-in an chhuhsak ta a ni. PM, Narendra Modi chuan Cabinet Minister thar, tun hnaia lak luhte chu Rajya Sabha-ah a hmelhriattir a, Lok Sabha-ah pawh a hmelhriattir bawk a, hengte hi Cabinet Minister thar – Dharmendra Pradhan, Piyush Goyal leh Nirmala Sitharaman te leh Minister of State tharte an ni a, anni b^kah hian Secretary General thar, Snehlata Shrivastava-i pawh House-ah hmelhriattir a ni a, ani hian tun thla ni 1 khan a hna hi a zawm a, IAS officer hlui, hmeichhiate zinga Lok Sabha Secretary General hmasa ber a ni.

Rajya Sabha-ah chuan eptu pawlten JD (U) hruaitu hlui, Sharad Yadav-a leh an party MP dang pakhat, MP an nihna chawlhtir an nih avanga eptu pawlte an lungawi loh avang leh, PM thusawi \henkhat an duh loh avangin rorel inkhawm tihtawp lailawk a ni a, chawhma lamah vawi khat, a hnu-ah vawi khat tihtawp a ni. Congress leh Samajwadi Party member-te chu House laiah chhuakin, Pu Sharad Yadav leh Ali Anwar Ansari chawlhtir an nih dan chu an duh loh thu an aupui a, rorel inkhawm tihtawp lailawk a nih hnua an \hutkhawm leh pawhin Congress member-te chuan PM-in PM hlui, Manmohan Singh-a chungchang a sawi dan chu an sawisel a, hemi chungchang hi eptu hruaitu, Ghulam Nabi Azad-a’n a sawi chhuak a ni.

Hemi hmaa rorel inkhawm \an a nihin House Chairman, M Venkaiah Naidu chuan Rajya Sabha member hlui 10, session kar laka boralte sunna hun a hmanpui a, hemi hnu hian PM-in Minister tharte a hmelhriattir a, hemi zawh veleh hian SP member, Naresh Agarwal-a chuan JD (U) mi pahnih, member an nihna chawlhtir an nih dan chu a sawi chhuak nghal a, mahse Chairman chuan, hemi chungchang hi sawiho a remtih loh thu a sawi a ni. Eptu hruaitu, Ghulam Nabi Azad-a chuan, Chairman kaihhruaina chu dodal lo mah se, thil sawi duh a neih thu a sawi leh a, mahse Chairman chuan sawiho a remtih loh thu a sawi leh a, Pu Azad-a chuan, a hmaa JD(U) leh RJD thawh dun chungchang sawiin, Nitish Kumar-a chu thawh dunna chhuahsantu zawk a nih avangin, amah zuitute chu House member an nihna a\angin an bang zawk tur a ni, a ti a, he thu a sawi hian Congress, SP leh Left party member engemawzat chu an ding chhuak a, nasa takin au mah se, Chairman chuan \hu turin a ti a, anni chu an au lui zel a, Pu Naidu-a chuan, session \an ni a\anga au buai nghal chu fel lo a tih thu a sawi a ni.