Parliament thutkhawm tiam chin awm lovin titawp

0
523
views

Parliament \hutkhawmna chu tiam chin awm lova tihtawp a ni ta a, thlasik \hut khawm chhung hian Lok Sabha-ah bill 12 pass a ni a, Muslim mipaten an nupuite an \henna \awngkam, triple talaq an tih, tihtawpna tur bill pawh a tel a ni. Speaker, Sumitra Mahajan-i puan danin, he session, kum hlui December ni 15-a \anah hian vawi 13 an \hu khawm a, \hutkhawm chhung hi darkar 61 leh minit 48 a ni a, inauh buaina avangin darkar 14 leh minit 51 an hloh thung a ni. Bill pass takte zingah hian High court leh Supreme Court judge-te hlawh tihpunna tur pawh a tel a, bill 16 put luh a ni. Lok Sabha session tihtawp a nih thu, Speaker-in a puan lai hian PM, Narendra Modi pawh House-ah a awm a, he session-ah hian zawhna, chhan nghal tur 280 lut zianga 45 chu chhan a ni a, \awngkaa chhan hman tak loh chhanna leh, ziaka chhan chi zawhna chhanna, a vaiin zawhna leh a chhanna 3,220 pek chhuah a ni bawk a, member-ten thil hmanhmawhthlaka ngaih chi hrang hrang 198 an sawi chhuak bawk. Lehkha pawimawh chi hrang hrang 2,255 pawh Minister-ten House dawhkanah an dah hman a, Private Members’ bill 98 a l<t bawk a ni.

Rajya Sabha session pawh vawiin vek khan tihtawp a ni a, triple talaq bill erawh chu pass hman a ni ta lo a, budget session-ah ngaihtuah a ngai dawn ta a ni. Congress leh BJP chuan Rajya Sabha-a an member zawng zawng chu, triple talaq bill ngaihtuah a nih huna rorel inkhawma tel vek turin an hriattir a, he bill hi vawiina ngaihtuah tur zingah telh a ni na a, sorkar leh eptute an lungrual loh avangin ngaihtuah hman a ni ta lo a ni. Rajya Sabha-ah hian rorel lai pawl member-te hi eptu pawl aia an tlem zawk avangin, sorkarin a duh dan a kal tlangpui thei mai bik lo a, Congress kaihhruai, eptu pawlte chuan he bill hi pass nghal mai lova, Parliamentary committee thlir nawn atana dah an ph<t a ni. Sorkar erawh chu triple talaq bill chungchangah hian a hmanhmawh hle a, triple talaq hi Supreme Court pawhin ram danpui kalha a puan tawh avang leh, hemi hnuah pawh hetianga in\hen hi an la awm fo avangin, hetiang ti luite chu dan tlawhchhana hrem theih thuai a \ul tih Law minister, Ravi Shankar Prasad chuan a sawi a, mahse Congress leh pawl dang \henkhat chuan he bill hi Select committee-in zir chiang se, lung ina inkhung theihna lai phei chu ngun taka thlir ni se an ti a, mipa-in a nupui a \hen avangin lung inah khung ni ta se, a nupui fanauten chawmtu an nei lo mai dawn tih sawiin, Muslim hmeichhiate \anpui dan tur siam tel a \ul niin an sawi.

 

Parliament Budget session chu tun thla ni 29 khian \an zui leh nghal a ni dawn a, Finance Minister, Arun Jaitley-a’n sorkar kum thar atana Union Budget chu February ni 1-ah a pharh dawn niin Parliamentary Affairs Minister, Ananth Kumar-a’n a sawi. Budget session hi \um hnih ang deuha neih a ni ang a, \an a\anga February ni 9 thleng an \hutkhawm hnuah, thla khat dawn lai an chawl lailawk ang a, March ni 5 a\angin an \hu khawm leh ang a, April ni 6 thleng a awh dawn a ni.