Parliamentary Affairs Minister, Pralhad Joshi chuan vawiin khan Congress hotu hlui, Sonia Gandhi a tlawh a, tun thla ni 17-a Budget \hutkhawm chungchang a sawi pui.

Sorkar laipuiin eptu lam party hruaitute tlawh chhuak turin a ruahman a, Joshi hian Rajya Sabha-a eptu leader, Ghulam Nabi Azad leh DMK party hruaitu, TR Baalu te pawh a tlawh a ni. Puan tawh angin sorkar laipui hian ordinance 10 lai chu dan puitlinga siam a tum a, heng zingah hian Islam sakhaw zuitute’n Talaq tih \awngkam vawi thum sawia an nupuite an \hen theihna tihtawp te pawh a tel a ni. Budget \hutkhawm lai, tun thla ni 19 hian Lok Sabha Speaker thar tur pawh thlan nghal tum a ni a, ni 20 hian President Ram Nath Kovind chuan Lok Sabha leh Rajya Sabha member zawng zawng hmaah thu a sawi bawk ang.