Pathianni-a lirnghingin a sawi chhiat, Indonesia Lombok hmuna mosque pakhatah nung dama chhanchhuah theih an la awm em tih chhanchhuah hna thawktuten an dap chhunzawm zel.

0
345
views

Magnitude 6.9-a na lirnghing hi hriat theih chinah mi 100 chuangin an thih phah tawh a, mi sing 2 chuang chenna in nei lovin an awm phah bawk. North Lombok-a building tam tak lirnghingin a sawi chim zingah mosque hi a tel a, lirnghin hun hi Pathianni tlai \awng\ai inkhawm neih lai a nih avangin a chhungah hian mi 50 vel an awm lai a ni a, inkhawm kaihruaitu imam hovin insaseng tumin an tlan chhuak a, tlan chhuak hman ve lo an awm nual nia hriat a ni a, ruang pathum chu mosque chim kar a\ang hian lak chhuah tawh a ni. Disaster agency thupuangtu Sutop Murwo Nugroho chuan mosque pawnah hian vawthlep bun engemawzat hmuh a nih avangin insaseng ve hman lo engemawzat an awm a hlauhthawnawm hle tih a sawi. Indonesian Red Corss chuan an vounteer ten an chhan chhuah kum 38-a upa nu pakhat chuan damdawia inenkawlna hmun lailawk an buatsaihah nau a hring tih an sawi a, nausen hmingah hian Gempa tih an sa a, hei hi Indonesia \awngin, lirnghing tihna a ni.