Inthlan thawh 6-na hi state 7-a bial 59, Uttar Pradesh-a bial 14, Haryana-a bial 10, West Bengal, Bihar leh Madhya Pradesh-a bial 8 \heuh, Delhi-a bial 7 leh Jharkhand-a bial 4-ah te neih a ni dawn a, EVM leh inthlan atana mamawh tur bungraw pawimawhte thawn chhuah an ni tawh a ni.
Thawh 7-na leh thawh tawp berah hian state 7 leh Union Territory 1-a bial 59-ah ni 19 khian vote thlak a ni dawn a, political party hotute ram chhung hmun hrang hrangah an campaign a, PM Modi chuan Uttar Pradesh-a Robertsganj leh Ghazipur-ah vantlang inkhawm a huaihawt a, BJP President Amit Shah chuan Jharkhand-a Pakur-ah mipui hmaah thu a sawi bawk a ni. Congress President Rahul Gandhi chu Madhya Pradesh-a Shajapurn Dhar leh Khargone-ah a campaign a ni.
