A chhiatna khua leh veng hrang hranga report dawnte a hmuna endik turin Lunglei Additional DC Pu Benjamin Lalzama chuan vawiin khan DC office a\ang leh Department hrang hrang a\angin Officer-te a tir chhuaka, an report hi naktukah chuan hriat kim theih a nih beisei a ni. He vanduaina thleng chungchang hi vawiin khan Additional DC Pu Benjamin Lalzama kaihhruaiin sawiho a ni a, chhawmdawl ngaite chhawmdawl hmasakna tura Aizawla Disaster Manangement & Rehabilation Department a\anga silpaulin chah zinga 800 chu vawiin khan Lunglei-ah hmuh a ni tawh a ni. A hmuna kala thil awm dan endiktute’n DC Office-a report an pek kim hunah chauh thil awmdan kimchang hriat theih a ni anga, chhawmdawlna hmasa atana Silpaulin sem dan tur pawh a hriat theih dawn a ni.
