Video thlalak a\anga a lan danin polling station-a duty pakhat hian vote thlak tum hmeichhiate chu \um thum lai vote a thlak sak niin a lang a, duty dangte hian vote thlakna compartment a panlai hian an dang lem lo bawk a ni. Video thlalak hi Twitter-a thehdarh a nih hnuah mipui te chuan Haryan election hotute hriattirin, hmalak an phut a, Faridabad District Election Office chuan thil ti diklo tu hi an man a, a laka FIR ziah luh a nih tawh thu an sawi a, Observer chuan thil thleng hi an chhui chian hnuah vote tla a ti danglam chuang lo niin a sawi. Tualchhung election office hotute chuan vote thlak tur te rilru thlak tir a tum ngei nia an hriat thu an sawi.
Election Commission chuan Faridabad Election Observer report hi an zirchian hnuah hma lak zel dan tur an rel dawn tih an sawi a, vote thlak turte rilru thlaktir an nih laia vote tlak dan a tidanglam chuang lo tih chungchangah hian Election Commissioner Ashok Lavasa chuan polling station hi chik taka zirchian a nih tur thu a sawi.
