Pawl pathum – PRISM Party, Operation Mizoram leh Mizoram Chhantu Pawl-in vawiin khan Chief Minister, Pu Lal Thanhawla hnenah Assam leh Mizoram ramri chungchanga lehkha pawimawh an thehlut a, hei hi a theih anga bawhzui tura an duh thu an thlen a ni.

0
241
views

 

CM hnena lehkha an thehluhah hian Mizo pi leh pute hunlaia British-India sorkar-in Mizoram a awp hma a\ang leh an awp hnu thlenga British-India sorkar lehkha pawimawh hrang hrangte uluk taka an zirchian thu leh kum 1875-a British-India sorkar-in hriattirna a tihchhuah-ah Cachar District hmawr tawng a tih hi, British-India sorkar-in a ram awp ramri chin a tihchianna chu Mizoram leh Cachar District ramri dik nia an ngaih thu an sawi a. Hei hi 1877-a Assam Gazette-a Chief Commissioner-in Inner Line Reseved Forest-a a puanna a, Inner Line Reserved Forest chu ‘Lushai Territory’ a nih thu khan a nemnghet bawka an ngaih thu an sawi a.

Assam sorkar-in 1933-a Inner Line rin chu Assam leh Mizoram Constitutional boundary a ni a tih chu ramri dik a ni thei lo niin an sawi. Hetiang hi thil awm dan a nih avangin Chief Minister chu Mizoram ramri dik tak humhalh a nih theih nan chak zawka hmala tur an duh thu an thlen a, Chief Minister hi a awm loh avangin lehkha hi Chief Minister Personal Secretary, Pu Alexander V. Chongthu hnenah an hlan a ni.