Pawngsual leh tualthata puh mi pathum tihhlum turin Court-in ti

Maharashtra-a thingtlang khaw kilkhawr tak, Kopardi-a kum tling lo pawngsual rawn leh thata puh, mi pathum chu Special Court-in tihhlum turin an chungthu a rel. Nikum July ni 13 khan Maratha hmeichhe naupang pakhat chu thirsakawra a haw laiin misualte hian an lo tiding a, a hnuah ramah thia chhar a ni a, chhui chian a nih hnuah pawngsual rawn hnua thah a ni tih hriat a ni a, pawi khawihtu pathum hi hmun hrang hrangah police-te chuan an man a ni. Court-in heng mite chungchang a ngaihtuah lai hian mi an pung khawm nasa hle a, buaina a chhuah loh nan hmun hrang hrang a\angin police tam tak pawh khawm an ni a, an chungchang ngaihtuahtu, Additional Special Judge, Suvarna Kevale chuan heng mi pathum pawi khawih hi a rapthlak em avangin, tihhlum an nih loh chuan khawtlang mipui pawhin an ngaih thiam a rin loh thu a sawi a, a thutlukna a puan hian mipui pung khawm hi lawmin an au nasa hle a ni. Heng misualte ch>t dan hi a rawng hle a, a sam te pawh thlak a ni a, a kut leh ke ruh te a tliah bakah a ha te a bal a, a taksa hmun tam takah sehna hnuhma te pawh hmuh a ni.