Pay Commission 7-na rawt anga hlawh lak ve FMGE&W in phut

0
839
views

Mizoram sorkar hnathawk inzawmkhawm pawl, Federation of Mizoram Government Employees & Workers (FMGE&W)-in sorkar laipuia Pay Commission 7-na rawt anga hlawh lak ve thuai phuta nimin a\anga Bagde dum bel chunga hnathawk lova pisa an kai chu vawiin khan an chhunzawm a, Mizoram puma sorkar hnathawk pawl hrang hrangten an zawm \ha hle nia thu dawn a ni. An nuar tih hre lova sorkar pisa dawr tuma kal pawh an awm leh nual a, engmah ti thei lovin an haw leh hlawm a, tui sem leh emergency service erawh chu ngaihhnathiam leh an ni. FMGE&W hruaitute chuan an thil ph<t an nawrna avanga harsatna lian tham thleng a awm an hriat loh thu an sawi a, sorkar a\ang erawh chuan thu lawmawm engmah an la dawn loh thu leh, inbiak tumna pawh a awm lo tih sawiin, an kal zel dan tur chu kar leh Thawhlehni khian Executive Committee-in an ngaihtuah dawn niin an sawi.