P&E Deptt. Secretary, Pu H. Lalengmawia’n Mizorama thingtlang khaw eng la pek loh zawng zawngte chu tun thla chhung ngei hian eng pek tum niin a sawi

0
808
views

Power & Electricity Deptt. Secretary, Pu H. Lalengmawia chuan Mizorama thingtlang khaw eng la pek loh zawng zawngte chu tun thla chhung ngei hian eng pek tum niin a sawi. Vawiina Lunglei Circuit House Conference Hall-a Power Deptt. Officer te nen an hnathawh dan an thlirletnaah he thu hi sawiin Power Secretary chuan thingtlang khaw \henkhat hun rei tawh deuha eng pek tawh enkawl \hat tawk loh vang leh thildang vanga eng hmu thei tawh lo khua te pawh eng pek vek tuma \an lak mek niin a sawi a, Lunglei District-a Chawngte leh a chhehvelte, Siaha District-a tun hmalama eng lo nei tawh, tuna nei leh ta lo te chu Deptt. leh eng pe tura an rawih Contractor, T&T Project Ltd. Guwahati ten mumal taka eng pe tawh turin \an an la mek nin a sawi a ni. Hemi bakah hian P&E Deptt. chuan Bungtlang South leh Tuipangah te Sub Division a hawng a, heng Sub Division te hian hmun kilkhawr zawka khaw awm tan nasa zawkin hna a thawk thei dawn niin a sawi a ni. Pu H. Lalengmawia chuan tun dinhmunah Mizoram kawlphetha mamawh zat chu a tam lai berin megawatt 100 a ni a, heng zinga tual chhung a\anga thar chu megawatt 10 vel a ni a, a bak megawatt 90 vel chu Mizoram pawn a\anga chawk luh a nih avangin heta tan hian thla tin cheng vbc 25 vel hman \hin a ni a, kawlphetha hman a tlem zawk theih nan electric hmanrua, kawlphetha hmang tlem thei chi LED light leh thildangte hman uar a \ul niin a sawi a ni. He meeting-ah hian Chhimbial Chhantu Pawl, P&E hnuaia Contractor te leh thuthar thehdarhtute an tel a, inkhawm hi SE Pu H. Zoliana’n a kaihruai a, thusawiin Pu Lalramliana chuan chhim lam eng pekna tur line dang Melriata 132KV Station a\anga Lunglei line siam hna chu za zela 80 vel zawh tawh niin a sawi a, Buarpui, Saiphai leh Khawbungah te 33KV Sub Station siam zawh tawh niin a sawi bawk.