Persons with Disabilities (PwD) Commissioner, Dr. Lalnunthara’n rualbanlo te tana sorkar hna hauhsakna chungchangah chak taka hmalak mek a ni tih a sawi.

0
288
views

 

National Atlas & Thematic Mapping Organisation Kolkata leh Indian National Cartographic Association \angkawpin Special Blind School Durtlang naupangte tana National Quiz competition leh Thematic mapping an buatsaih vawiina hmanpuiin he thu hi a sawi a, rualbanlote tana sorkar hna hauhsak chungchangah hian Delhi a\angin mithiam 2 chahchhuah tum an ni a, an ni hian tun thla ni 25 leh 26 khian sorkar official-te training an pe dawn tih a sawi. Dr. Lalnunthara chuan, Sorkar hnathawk zingah beng \ha lote tan damdawi in-a awm kher ngai lova MR an bill theihna tur ngaihtuah mek a nih thu a sawi bawk.

National Quiz competition leh Thematic mapping-ah hian mitdel zirlaite chu an zirlai bakah General knowledge leh map hmanga ram leh thil nihphung awm dan hrang hrang inhriatsiaktira ineltir an ni a. Kolkatta-a National Atlas & Thematic Mapping Organisation Hqrs. a\anga lo kal Dr. Sweeta Banerjee-in naupangte hi zawhna chi hrang hrang a zawt a ni. Special Blind School hotute chuan tunah hian zirlai 28 an nei mek tih an sawi a ni.