Philippines-ah nupa inthen phalna dan siam tum vangin mipui pungkhawm

0
338
views

Philippines ramah nupa inthen phalna dan siam tum a nih vangin Roman Catholic Kohhran mi 2000 vel chuan he dan siam tur hi an duh lohzia entir nan Manila khawpuiah an pungkhawm. Pungkhawmte hian an ram President, Rodrigo Duterte-a’n ruihhlo do beihpui a thlak mek bakah inthen phalna dan an dodal thute an aupui a, inneih chu sacrament thianghlim a nih vangin an ram hruaituten dan hmanga an tihbawrhban an remtih loh thu leh Pathianin a zawm tawh chu mihring emaw, mihring siam dan emaw pawhin a then theih loh thu te an au chhuahpui bawk a ni. Philippines rama cheng za zela 80 vel hi Catholic Kohhran an ni a, heng mite hi Duterte-a ruihhlo do beihpui sawiseltu langsar ber pakhat an ni bawk a ni.