Philippines chhim lamah sipai rorelna chhunzawm

0
383
views

Philippines President, Rodrigo Duterte-a’n he ram chhim lama sipai rorelna-a puan chhunzawm zel a dilna chu Parliament in pahnih, Senate leh House of Representatives-in a pawm. Puan tawh angin kumin May thlaa IS mi firfiakten Marawi khawpui an awp khan, Duterte hian sipai rorelna a lo puang tawh a, ram danpuiin ni 60 chhung chauh, sipai rorelna hi hman a phal avangin, Parliament chuan July thla khan kumin December ni 31 thleng pawh sei a phalsak a, hei hi kum khat dang pawhsei remtih a ni leh ta a ni. Marawi hi October thla khan sipai-te chuan an lo la let tawh a, an inbeih chhungin mi 1,100 vel an thi a, Duterte chuan mi firfiak pawl la chambang \henkhat leh tlanchhia-te chu an inhawr khawm leh mek nia an hriat thu leh, bei let tura inpuahchah lawk \ha a tih thu, an ram hruaitute hi a hrilh a ni.