South Africa leh Venezuela aiawhte chu pahnihna leh pathumna an ni a, India nula Nehal Chudasama erawh top 20 ah a inhlang kai zo lo a ni. Gray-i hi Miss Universe 2017 Demi Leigh Nel-Peters South Africa nula in Miss Universe lukhum a khumtir a ni. Miss Universe hian final round ah a nuna a thil zir chhuah pawimawh ber zawh a ni a, hei hi chhangin Manila mirethei chenna hmunah hun rei tak hna a thawh thu te, chumi hmun mawina hmu tura a rilru a buatsaih thu te, Miss Universe a lo nih chuan an tan engemaw tal tih theih ngei a tum thu te a sawi a ni.
Pahnihna, South Africa nula Tamaryn Green chuan Mahatma Gandhi-a thusawi, khawvel danglam I hmuh duh chuan nangmah kha danglam hmasa rawh tih chu miropuite thusawi zinga a duh ber a nih thu a sawi. Pathumna hauhtu, Miss Venezuela Sthefany Guterrez-i chu dan zirlai a ni.
