PM Modi-a’n Rajiv Gandhi chungchang a sawi dan chu Model Code of Conduct bawhchhiatna a ni tiin Conngress party-in Election Commission-ah hma la turin an thlen.

0
358
views

Modi hian Uttar Pradesh-a vantlang inkhawm a huaihawtah Congress party beihnan, kum 1991-a kahhlum, PM hlui, Rajiv Gandhi chu ram sum eiru hnem ber angin a thi tih a sawi a ni. Modi thil sawi hi kum 1980 bawr vela Bofors laipui leina-a sum eiru-a Rajiv Gandhi-a puh a nih chungchang a sawi tumna a nih hmel a, amaherawhchu he thubuai-ah hian eiruk finfiahna hmuh a ni lo a, Rajiv hi thiam chantir a ni.

Uttar Pradesh Congress chuan Modi thil sawi hi Model Code of Conduct bawhchhiatna a nih mai bakah Bharat Ratna lawmman dawng, ram tana a nunna hlantu Rajiv Gandhi diriamna a ni an ti a, EC chu vantlang inkhawma PM Modi-a thusawi khap turin a phut a ni.

Congress President Rahul Gandhi chuan Modi chu ama thil tih sual thup tuma a pa Rajiv Gandhi chungchang a sawiah puhin, hei hian a hmabak rorelna lakah a veng dawn lo a ni a ti a, Modi hian Rafale indo thlawhna lei chungchanga eiruk thubuai a neih mek a sawi tumna a nih hmel a, a thil tihsual man chu a hmu ngei dawn a ni a ti.