PM Narendra Modi-a’n Defence Research and Development Organisation te hmalakna Mission Shakti tluang taka zawh a nih thu a puang a, he mission hnuaiah hian satellite kah thlakna missile hmangin hlawhtling takin satellite pakhat kahthlak chhin a ni.

0
278
views

Anti Satellite missile, A-Sat tia sawi hlawhtling taka en chhin anih takah hian India chu van thengreng-a thiamna sang tak nei ram tlemte zingah a tel ve ta a, India-in a hlawhtlinpui hma hian US, Russia leh China te chauhin anti Satellite Missile hi an la hmang thei a ni.

Narendra Modi chuan Mission Shakti tluang taka zawh fel a nih takah hian van thengreng-a tunlai khawl changkang hmanga thei “space superpower” ram 4 zingah India chu a tel ve ta ni tih a sawi a, hetih rual hian India thil tihtheihna hi a pawng a taka ram dang laka hman a tum loh thu leh ram venhim nan chauh hman a nih tur thu a sawi.

Modi chuan Mission Shakti-a thawk DRDO scientist te chu tluang taka an mission an kalpui thei chu a lawmpui thu a hrilh a, he hmasawnna hian India chu ram venhimna kawngah a tichak leh zual a ni a ti.