PM Narendra Modi-a’n khawchhak lamah Lok Sabha inthlan lo awm tur atan campaign a \an a, Odisha-a vantlang inkhawm a neih pui.

0
513
views

Modi hian Odisha Koraput districtah mipui \hahnem tak hmaah thu a sawi a, Odisha chu leilung hausa tak leh hma sawn thei dinhmuna ding a nih laiin an biala rorel lai Biju Janta Dal leh Congress \angkawpte chuan awmze neia hna an thawh loh avangin a mipui te chu an rethei niin a sawi a, eptu pawl te chu sawiselin, February ni 26-a India-in Pakistan-a mifirfiakte inkhuarna an beih chungchanga finfiahna an dil te chu scientist te leh sipaite zahlohna niin a sawi bawk a, hetiang mi hi thlang tling tawh lo turin a ngen bawk a ni. Modi hi Odisha a\ang hian Andhra Pradesh leh Telangana lamah campaign a chhunzawm leh dawn a ni.

Congress General Secretary Priyanka Gandhi pawh Uttar Pradesh lamah a campaign nasa hle a, ni 3 awh tur roadshow Faizabad-ah a huaihawt.

Priyanka Gandhi hian Amethi-a Congress thlawptute hun a hmanpui hnuah Faziabad hi a pan a, hetah hian Congress party hnathawk te nen vantlang inkhawm an buatsaih a, hetah hian PM Modi chu kum 5 a sorkar chhung pawha a bial Varanasi tlawh hman lo khawpin khawvel ram dangte a tlawh nasa niin a sawi a, thlan tlin a nihna bial ngei tan pawh engmah a tih loh laia ram chhung mipuite ngaihsak tak nia a insawi chu a awihawm loh hle nia a hriat thu leh sorkar dinglai hian mi hausa te duhsak hi an thupui ber a nia a hriat thu te leh mi rethei te \anpui ngai loah a puh bawk a ni. Congress hian Faziabad a\ang hian Ayodhya lam panin roadshow an huaihawt bawk a, Ayodhya an thlen hian Hanumangarhi temple-ah Priyanka hian hun hmangin a campaign a titawp a ni.