PM Narendra Modi-a’n thlawhna a\angin Odisha-a cyclone Fani in chhiatna a thlen te a endik hnuah \anpuinan cheng vbc 1,000 pekbelh a nih tur thu a puang.

0
301
views

Hemi hma hian sorkar laipui chuan \anpuina cheng vbc 381 a lo pe chhuak tawh a, PM hian Puri, Khurda, Cuttack, Jagatsinghpur, Jajpur, Kendrapara, Bhadrak leh Balasore-a cyclone-in chhiatna a thlen dan a endik hnuah Odisha hian ngai a awh leh theih nan sum pekbelh a nih tur thu hi a puang a, cyclone vanga thi mi 38 chhungte leh hliam tuar mi 50,000 te hnenah zangnadawmna cheng nuai 2 pek an nih tur thu a puang bawk a ni.

Bhubaneshwar Municipal Coorporation chuan cyclone tuarte hnenah a thlawnin \anpuina a sem \an a, National Food Security Act hnuaiah chhungkaw tin buhfai kg 50, sipauline lei nan cheng 500 leh an mawmawh lei nan cheng 2,000 pek an ni. Puri leh Bhubaneshwar-ah hian mobile phone hmanga inbiak pawhna siam\hat a ni tawh a, tui supply pawh za-a 70 vel chu a pangngaia pek theih a ni leh tawh a ni.