PM Narendra Modi leh Saudi Arabia lalfapa Mohammed bin Salman te New Delhiah an inkawm

0
337
views

Nizana lo thleng Mohammed bin Salman hi PM Narendra Modi hian thlawhna \umhmunah a lo hmuak a, tukin khan Rashtrapati Bhawan-ah chawimawina Guard of Honour hlan a ni. Saudi Arabia hian Pakistan leh India inkar boruak rit tak chu tih kian a tum thu Islamabad-ah a lo puang tawh a, lalfapa hian Saudi Arabia leh India ten inzawmna \ha an neih theihna turin ram pahnih hruaitute chu a rin tawk thu a sawi.

Council of Minister, Vice President leh Minister of Defence ni bawk Lal fapa Mohammed bin Salman hi ram palai engemawzat leh minister te bakah sumdawngten an \awiawm a, kum 2016-a PM Modi-a’n Saudi Arabia a tlawh hnuah India ram a rawn tlawh vawikhatna a ni a, ram pahnihte hlawkpui tawn tur inremna engemawzat an siam beisei a ni. Mohammed bin Salman chuan India angin Saudi Arabia pawhin mifirfiakte kut a lo tuar tawh \hin tih sawiin India-in mifirfiakte a beihlet kawngah theih tawpa \anpui an inhuam tih a sawi a, \hangtharte’n hmabak eng zawk an neih theih nan thawhho an duh thu a sawi bawk.